Loksins búið, mikið hlakkar mig til að komast í skólann aftur og gera hluti...

Þessa dagana virðast svona síður eins og myspace og facebook hrikalega vinsælar. Ég er víst skráð á báðum, en get ekki sagt að ég sé virk, skráði mig eiginlega bara vegna þess að mér finnst óeðlilega gaman að fylla út eyðublöð ;) Annað slagið fæ ég skilaboð um að hinn og þessi hafi bætt mér við sem vini og þá kíki ég inn á síðurnar þeirra, en ég fatta bara ekki um hvað þetta snýst. Á facebook virðist aðalmálið vera einhver veggur og maður á að skrifa eins oft og maður getur hvernig skapi maður er í, svo að aðrir geti skrifað um það á vegginn... Á myspace virðist það vera komment sem er aðalmálið og að hafa sem allra allra flesta vini. Sem er líklegast ástæðan fyrir því að þó ég hafi ekkert gert við síðuna mína, er ég með 20+ vini, fólk sem ég kannast ekkert við...
Call me oldfashioned, en ég held að ég haldi mig bara við bloggið...

|