...og nú er það Emily the Strange!

|

Ég fór í útilegu um helgina.
Á laugardaginn fór ég í riverrafting niður Hvítá.
Í dag er ég með sprungna vör, marblett á nefinu og dauðans harðsperrur í hægri handleggnum, auk þess sem ég get varla snert neitt með fingurgómum vinstri handar, en það er af því að mér finnst alltof gaman að spila á gítar...

|

Er það bara ég eða er eitthvað óeðlilegt við að Victoria Beckham og Jada Pinkett-Smith séu alveg eins á litinn?

|

Þá hefur toppinum verið náð (eða botninum, eftir því hvernig maður lítur á það) og er það mjög margþættur toppur, klaufaskapur, hugsunarleysi, hrakföll og kjánaskapur er eitthvað sem þetta fellur allt undir...
Eins og flestir vita, er ég að vinna á skrifstofu þetta sumarið og hef ég því til taks og brúka margskonar skrifstofutæki eins og post-it, penna, tippex, bréfaklemmur og heftara, svo eitthvað sé nefnt.
Og í dag, var ég að hefta blöð saman og var að bíða eftir prentaranum (sem mér leiðist afskaplega mikið, því hann er svo lengi) og hélt á heftaranum. Svo, án þess að velta því neitt mikið fyrir mér, set ég vísifingurinn á milli í heftaranum og ákveð að athuga hvenær og af hve miklum krafti hann kemur við puttann á mér. (finnst rétt að taka það fram að ég var ekki mikið að hugsa áður en ég framkvæmdi). Svo þegar ég var rétt byrjuð að þrýsta niður, þá finn ég þennan stingandi sársauka í puttanum, svo ég ríf heftarann upp og sé þetta glansandi silfraða hefti, standa hálft á kafi í puttanum á mér. Ég náði því nú út án mikilla vandkvæða og er nú með tvö pínulítil göt, þakin feitum plástri, á puttanum, ásamt viðvarandi kjánahrolli ;)

|

Skondið, að þegar ég er í Noregi, þá límist ég yfir sjónvarpsþáttum þar sem töluð er íslenska, hvort sem það er ferðaþáttur, um Vestur-Íslendinga eða hvalveiðar...
Svo gærkvöldi ætlaði ég varla að tíma að skipta yfir á Las Vegas, því ég var að horfa á þátt um merkingar á villtum dýrum, hann var nefnilega á norsku og það fannst mér svo gasalega notalegt :)
Skiptir greinilega ekki máli hvar maður er, grasið er alltaf grænna hinumegin ;)

|

Nú á ég heima í Noregi, sem á víst að vera eitt dýrasta land í heiminum. Því ætti það nú ekki að sjokkera mig að fara út í búð hér... En ég verð að segja að mér hreinlega ofbýður oftar en ekki, þegar ég er komin í búðina.
Ég borgaði td 1500 kr fyrir sokkabuxur um daginn. Þegar ég opnaði pakkann leitaði ég vandlega að gullþráðunum sem var eina skýringin sem ég gat fundið á þessu verði, silfurþræðir í það minnsta...en svo reyndist ekki.
Áðan var ég svo að skoða mbl.is og sá auglýsingu um eitthvað þrí/hlaupahjól fyrir litla krakka og fannst þetta svo sniðug hugmynd að afmælisgjöf fyrir litlu snúlluna hennar systur minnar, sem verður tveggja í ágúst. En að fara að borga 20 þúsund krónur fyrir svona lítið hjól?! Nevöör!! Nú veit ég lítið um trésmíðar eða hjólasmíðar, en þegar ég skoðaði myndirnar, gat ég ekki séð neitt á því sem réttlætir þessa upphæð...
Svo var ég í búðum um þarsíðustu helgi sem gekk nú ekkert of vel, þar sem ég get ekki hugsað mér að eyða 5-7000 kr í hlírabol. En af því að ég var á leið í brúðkaup, varð ég að finna eitthvað og endaði í Vero Moda. Þar eru seld föt sem ég man eftir frá Vero Moda í Noregi í fyrra og hittifyrra. Þau kosta að meðaltali helmingi meira en þau kostuðu í Noregi.
Nú er hægt að koma með það að það kostar að senda til Íslands og allskonar tollar og virðisauka hitt og þetta sé svo dýrt, en fjárinn að það svo dýrt að þeir verði að leggja á 1-2 þúsund kall á hverja einustu flík. Margfaldið það svo með innihaldi eins gáms af fötum... Nei, þetta kaupi ég ekki!

|

Skrif greinar sem inniheldur bara stafi sem eru sameiginlegir okkar tungu og erlendri er erfitt. blogg mitt vill nefnilega stundum ekki skrifa stafi sem ekki eru sameiginlegir. Sem er frekar skringilegt.

|

Ég veit að nú er til hrikalega mikils að biðja, en ég reyni samt...
Er síðan skrifuð á táknamáli hjá þér eða eru allir íslenskir stafir eins og þeir eiga að vera?
Ef þú gætir svarað í kommentunum yrði það frábært, því þegar ég er í vinnunni, þá kemur allt á táknmáli sama hvað, en þegar ég er heima kemur allt fínt og rétt...

|