Ég skrapp aðeins í Kvadrat í dag til að versla smá. Það eru Elleville dagar hjá þeim núna, sem er eiginlega samræmd útsala í verslanamiðstöðum um allt land, svona blanda af Kringlukasti og samræmdu prófunum. Svo tók ég strætó heim, sem er kannski ekki í frásögur færandi, nema að greinilega á þessum tíma sem ég var í skýlinu koma víst 2 strætóar með 2ja mínútna millibili, en það vissi ég ekki. Bara hoppaði upp í fyrsta strætó sem kom. Fór svo að spá korteri seinna (það var orðið dimmt úti) að ég mundi ekki eftir að það væri svona sveitólegt á strætóleiðinni, en hugsaði ekkert meira um það, því ég er jú ekki mjög eftirtektarsöm manneskja, gæti bara verið að þetta sveitó hafi alltaf farið fram hjá mér... En hálftíma eftir að strætóinn lagði af stað, var ég viss um að ég hefði farið upp í vitlausan strætó, því þá stoppaði hann við Sola flugvöllinn og ég veit að Sola er sko ekki á venjulegu strætóleiðinni. Ég hafði semsagt stokkið upp í níuna í staðinn fyrir tvistinn og fór því helmingi lengri leið en venjulega í gegnum hin ýmsu úthverfi Stavanger... Smá útsýnistúr svona...

Vatnið er enn með sníkjudýrum í Osló og verður víst ekkert laust við þau fyrr en í fyrsta lagi á föstudaginn og gæti víst verið þannig fram yfir nýttár. Oj. Svo að fólk þarf að sjóða vatnið sitt í einhvern tíma. Ég veit ekki hvort ég gæti drukkið vatnið þó það væri búið að sjóða það, meina, sníkjudýrin eru ennþá í vatninu bara dauð. Það er bara eitthvað svo ikkí við þetta allt...

|