Gavöööð, var næstum búin að gleyma að blogga í dag!!

Stóra verkefni dagsins var að hreinskrifa tónlistarsöguglósurnar mínar (mikið tók það langan tíma að muna orðið glósur!). Nú prýða stílabókina 24 fallega og jafnt skrifaðar (eða þússt, svona nokkurn veginn) glósur, með allskonar fönkí lituðum pennum. Ég alltaf hreinskrifað tónlistarsöguglósur, veit ekki útaf hverju...

Svo var Singin' in the rain í sjónvarpinu í kvöld. Sjónvarpsdagskráin er yfirleitt alveg hundleiðinleg, en þeir mega eiga það á Ríkissjónvarpinu að þeir sýna stundum gamlar myndir og bæta upp fyrir allt hitt krappið með því, að mínu mati, því ég eeeeelzzzzka gamlar myndir og Singin' in the rain er sko ein af mínum allra uppáhalds :)

Ég var að spá í að væla yfir tölvunni minni, sem er á hraðri niðurleið þessa dagana, en ég nenni því ekki. Ætla að fara að horfa á hikstandi dvd. Leiter allígeiter!

|