Skyndilega fór lúkkið að tala einhverja táknísku svo ég skipti bara...

Ég er núna orðin ein heima og það er eiginlega bara frekar einmanalegt. Er að vinna í því að plata Snata (páfagaukurinn er búinn að fá nafn) út úr búrinu sínu, en hann er eitthvað tregur til þess eftir frekar harðan árekstur við efri stofugluggann um daginn ;)

Já, hef eiginlega ekkert meira að segja svo bara...
adíós og verið dugleg að bursta tennurnar!

|

Komin heim og byrjuð að vinna. Líka búin að halda upp á afmæli, tvisvar sinnum og fara á hrikalegustu 17. júní hátíðahöld ever. Ætla ekki að fara fleiri orðum um það, því ég þarf víst að búa í bænum næstu 2 mánuði en ég býst fastlega við að Lúðrasveit Verkalýðsins fái að njóta minnar liðveislu næsta sumar...

Vinnan gengur ágætlega, ég er í læknamóttökunni og já, er að gera alveg hrikalega margt þar. Skipulagning og að muna er aðalmálið, sem er bæði gott og vont, því mér finnst svakalega gaman að skipuleggja en er ekki góð í að muna ;) Það er þó að koma til, sem er eins gott því frá og með fimmtudeginum hef ég ekki Ólöfu (sem er sú sem ég er að taka við af) til að tékka á hvort ég sé að setja rétt blað í rétt box og þar fram eftir götunum...

Við Hrafnhildur erum aftur orðnar einar í koti og enn fækkar í næstu viku, þegar Hrafnhildur fer að elta sólina og ég verð ein eftir í Hrauninu ásamt nýja fiðraða vini mínum, sem hefur ekki fengið nafn ennþá en Snati, Sodapop og Pétur koma sterkt til greina :) Fyrstu tvö eru tillögur frá mér ;)

|

Er ekki tími til að blogga?!
Jú, þegar sólin skín, himininn gæti ekki verið blárri og ég er búin að pakka... eða svona fyrstu tilraun lokið...
Pakkaði niður öllu sem er ekki í þvottavélinni eða þurrkaranum og vó töskuna. Hún vó 26 kíló... En ég ákvað að segja bara skítt með það, ég borga þá bara fjandans yfirvigtina ef ég næ ekki að kjafta hana frá mér, er nefnilega með miða aðra leið og get því alltaf sagst vera að flytja heim :)

En já, prófatímabilinu er lokið :) loksins :) ég skilaði inn tónlistarsöguprófinu um hálftólf, lá svo hálfmeðvitundarlaus á ströndinni það sem eftir var dags. Ég sofnaði kl 9.30 um kvöldið og svaf til 11 daginn eftir :)
Fór svo að versla í gær, það var svekkjandi. Skórnir sem ég ætlaði að kaupa og var búin að spara allan maí til að geta réttlætt kaupin (soldið dýrir sko) voru ekki til... En fékk samt geðveikt flottar joggingbuxur sem örugglega engum finnst flottar nema mér og ég ætla sko að pareida um allan bæ í þeim...hver veit nema ég setji þær ofan í sokkana, eins og er allra mest í tísku hér á Stavangers bæ :) er nefnilega alveg búin að venjast þeirri tísku það mikið að mér finnst það frekar töff og þar sem ég vill helst vera soldið öðruvísi, þá er aldrei að vita... (ef blogger væri með hljóði, þá myndiru heyra trommuslátt undir þessum síðust orðum)

Og svo spilaði ég á tónleikum í dag. Á Klepp. Sem lætur mig alltaf flissa. Dresskódið var svart og þar sem eini svarti bolurinn minn var óhreinn, þá hafði ég um að velja svarta gerviullarpeysu eða svarta ullarpeysu. Það var 27 stiga hiti í dag. Ég valdi gervipeysuna. Það var frekar heitt.
Svo var mér boðið í mat heim til Tore, sem á heima í Laland (borið fram Lalan, með svo mjúku enni að ég heyrði bara Lala og fannst það hrikalega töff hverfisnafn, þar til ég sá skiltið).

Og á morgun fer ég í ferðalag. Sem endar í Keflavík um hálftvö leytið. Ef einhvern langar að ná í mig á völlinn, þá er honum/henni/því guðvelkomið :)
En ætla núna að fara að prenta út flugmiðann, tútílú...

|

Nú er árið farið að líða skuggalega hratt í aldanna skaut... þeas skólaárið

Var að kenna í síðasta skipti í dag, við fórum í "hver getur spilað hæstu nótuna"-keppni og borðuðum svo ís í tilefni sumarfrísins.

Var í hljómfræðiprófinu í gær, það gekk alls ekki vel, þrátt fyrir að ég hafi mætt klukkutíma of snemma...

Svo er tónlistarsöguprófið á morgun og ég er sko ekki tilbúin fyrir það, þvílíkt magn af upplýsingum sem við þurfum að læra, vildi helst hafa svona viku í viðbót, sen samt ekki því ég er sko alveg að klepra á þessu...hlakkar til eftir prófið ætla ég sko þokkalega að hlusta á rokk!! Held ég eigi ekki eftir að hlusta á klassísk í laaaangan tíma eftir þetta.

Svo eftir prófið er sko engin afslöppun, á föstudag og laugardag þarf ég að þrífa íbúðina og herbergið mitt, taka til í einn kassa og senda heim, helst fara í búðir og versla smá og æfa mig fyrir tónleika á sunnudaginn... Allur afgangstími verður svo notaður í strandarligg. Sunnudagurinn fer svo í niðurpökkun og útloftun, auk tónleikanna...sem fara fram á Klepp (alltaf jafnfyndið ;)

En jæja, lærasmærakæra...bleh!

|

Mig hlakkadi svo til ad taka hljómfrædiprófid ad ég mætti klukkutíma of snemma ;)
og tad mest fáránlega er ad ég er ekki sú eina! ;)

|

Fékk sendan auðkennislykil í póstinum um daginn, hann er frá Sparibankanum í Hedmark, norska bankanum mínum.
Ég er búin að reyna þónokkrum sinnum að nota hann en hann hefur aldrei virkað, kom alltaf ógilt öryggisnúmer...
Svo í dag prófaði ég hann í síðasta skipti, ef hann myndi ekki virka núna, þá þyrfti ég að hringja í bankann (eitthvað sem mér líkar afar illa)...
Svo ég náði í leiðbeiningarnar og lykilinn og fór alveg eftir því og í fyrra skiptið virkaði hann ekki, frekar en venjulega. Svo skoðaði ég leiðbeiningarnar aftur og sá að ég hafði horft á fjandans lykilinn á hvolfi!!
Gavöð, hvað ég er fegin að hafa ekki verið búin að hringja í bankann ;)

|