Ji, mikið var að ég komst inn!

Búin að fá tölvuna mína úr viðgerð nr 2, þyrfti helst að fara í viðgerð nr 3, en hún fær það ekki...ekki fyrr en ég kem heim um jólin og get farið með hana til einhvers sem ég treysti...mig langar samt helst að henda henni í gólfið og hoppa soldið ofan á henni þessa dagana....
Fékk hana nefnilega til baka alveg í skringilegri klessu, þarf að byrja á því þegar ég kveiki á henni að velja annaðhvort Windows XP Professional eða Windows Home Edition, en HE virkar ekkert þannig að ég vel ávallt Pro... Það tekur alveg óratíma að samt að komast inn, þannig að tölvan er yfirleitt í gangi allan daginn, loka henni bara, slekk ekki... Svo hefur internet explorerinn horfið, nema táknin sem eru enn til staðar. Ég get ekki neitt internet forrit, búin að prófa dánlóda opera og firefox (fleiri uppástungur vel þegnar!), ekkert virkar nema msn explorer og það er nú aldeilis krappí forrit... Get oftar en ekki opnað linka nema að hægriklikka og opna í nýjum glugga, þannig að oftast er ég með á milli fimm og tíu glugga opna... Svo neitar annaðhvort tölvan eða forritið, er ekki alveg viss hvort, að skrá mig inn oftast, sama hvort það er blogger, blog.central, gmail, hotmail, í stuttu, bara allt sem krefst innskráningar... Já, og undanfarið hefur eitthvað skrítið verið í gangi, þegar ég opna síður, eins og blogg, mbl eða barnaland, þá fæ ég upp eitthvað eldgamalt, alveg oft síðan í ágúst...

Já, þannig að þessa dagana er ég mjög dugleg að kíkja inní runna og undir steina og athuga hvort þar leynist ekki eins og 300 þúsund kall... Seríöslí, tölva...útum glugga...gæti alveg gerst einhvern næstu daga...!

|