Ég hef eiginlega alltaf verið með sítt hár, misjafnlega sítt, en samt sítt. Það hefur aldrei verið mikið mál fyrir mig að fá hárið til að vaxa, klippti mig td þegar ég var tólf ára, fyrst upp að herðum, svo alveg upp að eyrum... Skil ekki ennþá hvernig mamma leyfði mér það, svona "rétt" fyrir fermingu... En það kom víst ekki að sök, því þegar ég fermdist var ég komin með hár ca niður að mitti...
Ég hef oft fengið leið á hárinu og látið klippa það, ekkert svakalega drastískt, svona upp að herðum og þar um bil, en það virðist bara vaxa niður að mitti um leið og ég stíg úr stólnum (klippistólnum, þeas)...
Þegar ég var heima í haustfríi ákvað ég (þegar ég sat í stólnum, NB!!) að prufa að láta klippa mig, þeas, fá einhverja alvöru klippingu... Labbaði út af stofunni með hár niður að öxlum og fullt af styttum og dóti...
Núna er liðinn einn og hálfur mánuður og hárið mitt er búið að vaxa ca 5 sentímetra! Á einum og hálfum mánuði...! Er það eðlilegt?! Og klippingin að sjálfsögðu farin útum þúfur...

Því vil ég lýsa því yfir að hér með gefst ég upp! Frá og með næstu klippingu, verður hárið hennar Berglindar bara sítt eða meðal sítt, engin klipping hér, takk fyrir! Kannski smá styttur svona neðst, svo það sé ekki alveg beint en ekkert meir...

|