Var að horfa á fimleika með kvöldmatnum áðan. Það er alltaf gaman.
Flestar stelpurnar þarna litu nú út fyrir að hafa komið beint úr sandkassanum á leikskólanum, enda eru þær víst flestar á grunnskólaaldri og teipaðar saman svo þær fái ekki brjóst ;) nei, held að það sé nú ekki satt, en þetta var altalað hér um árið... Innan um allar þessar smástelpur var svo ein 31 árs, get rétt ímyndað mér hvernig henni hlýtur að líða, talandi um öldunginn í hópnum!
En nöfnin á sumum stelpunum fannst mér algert æði, ég hélt mest með Panpan Pang. Hugsið ykkur að heita Panpan Pang, hvað í ósköpunum voru foreldrarnir að hugsa! Kalla hreinlega á einelti... Su Jong Hong var líka hátt á listanum hjá mér... Gætir þú skírt stelpuna þína Anna Panna, eða strákinn Jói Spói?!

|